Bakı. Trend:
“Qarabağ”ın futbolçusu Marko Yankoviç növbəti dəfə Monteneqro millisinə çağırılıb.
Trend xəbər verir ki, yığmanın baş məşqçisi Miodraq Raduloviç AVRO-2024-ün seçmə mərhələsində Litva və Bolqarıstanla keçirəcəkləri oyunlara 28 yaşlı yarımmüdafiəçini də dəvət edib.
“Qarabağ”ın digər monteneqrolu oyunçusu Marko Veşoviç isə zədəli olduğu üçün yığmadan kənarda qalıb.
Qeyd edək ki, G qrupunda mübarizə aparan Monteneqro millisi sentyabrın 7-də Litva, 10-da isə Bolqarıstanla qarşılaşacaq.