Bakı. Trend:
“Yuventus” “Aston Villa”dan Duqlas Ruisin keçidini həll edib.
Trend İdman.biz-ə istinadən xəbər verir ki, bu transfer Turin klubuna 50 milyon avroya başa gəlib.
26 yaşlı yarımmüdafiəçi ilə 2029-cu il iyunun sonunadək müqavilə imzalanıb. Transfer məbləği 4 il ərzində qarşı tərəfin hesabına köçürüləcək.
Qeyd edək ki, Duqlas 2019-cu ildən “Aston Villa”da çıxış edib. O, 204 oyunda 22 qol vurub və 24 ötürmə edib.