Bakı. Trend:
Xəbər verildiyi kimi, cari il martın 14-də paytaxtın Yasamal rayonu ərazisində 1992-ci il təvəllüdlü Pünhan Fərzalılının qəsdən öldürülməsi faktı ilə bağlı rayon prokurorluğunda başlanmış cinayət işinin istintaqı tamamlanıb. (https://genprosecutor.gov.az/az/post/7423)
Yasamal rayon prokurorluğundan Trend-ə verilən məlumata görə, istintaqla 1999-cu il təvəllüdlü Şahlar Ağayevin rayonun Tbilisi prospekti ərazisində şəxsi münasibətlər zəminində aralarında yaranmış mübahisə zamanı Pünhan Fərzalılıya bıçaqla xəsarət yetirməsi və sonuncunun xəstəxanaya aparılarkən yolda ölməsinə əsaslı şübhələr müəyyən edilib.
Şahlar Ağayevə Cinayət Məcəlləsinin 120.1-ci (qəsdən adam
öldürmə) maddəsi ilə ittiham elan edilərək barəsində istintaq
orqanının vəsatəti və ibtidai araşdırmaya prosessual rəhbərliyi
həyata keçirən prokurorunun təqdimatı əsasında məhkəmənin qərarı
ilə həbs qətimkan tədbiri seçilib.
Cinayət işi baxılması üçün Bakı Ağır Cinayətlər Məhkəməsinə
göndərilib.