Bakı. Trend:
Sərnişin tələbatının qarşılanması məqsədilə şəhərətrafı qatar reyslərinin sayı artırılır.
"Azərbaycan Dəmir Yolları" QSC-dən verilən məlumata görə, yenilənmiş hərəkət cədvəlinə əsasən, sentyabrın 17-dən həftəiçi gündəlik reyslərin sayı 96-dan 100-ə çatdırılacaq.
Sumqayıt–Pirşağı–Bakı xətti üzrə qrafikə saat 05:55 və 11:50-də yeni reyslər əlavə ediləcək.
Bakı–Pirşağı–Sumqayıt istiqamətində isə saat 06:46 və 10:45-də əlavə reyslər təşkil olunacaq.
Yenilənmiş hərəkət cədvəli ilə ADY-nin rəsmi saytında tanış olmaq mümkündür
