Bakı.Trend:
Haaqada Kosovo üzrə Xüsusi Məhkəmə Kosovo separatçı qüvvələrinin keçmiş lideri Haşim Taçi və daha üç müttəhimi 1998–1999-cu illər müharibəsi zamanı törədilmiş müharibə cinayətlərində təqsirli bilib.
Bu barədə BBC məlumat yayıb.
Məhkəmə Taçini məcburi saxlanma, qəddar rəftar, işgəncə və qətllərdə təqsirli bilib.
58 yaşlı Taçi 25 il müddətinə azadlıqdan məhrum edilib, onun əlbir olduğu şəxslər isə 13 ildən 25 ilədək həbs cəzalarına məhkum olunublar. Taçi özünü təqsirli bilməyib.
