Bakı. Trend:
ABŞ Polşaya hava və raketdən müdafiə sistemləri üçün hərbi texnikanın alınmasına 2 milyard dollar kredit ayırıb.
Trend-in məlumatına görə, bu barədə Polşa Müdafiə Nazirliyi bildirib.
"Polşa və ABŞ 2 milyard dollar dəyərində Foreign Military Financing proqramı çərçivəsində birbaşa kreditin verilməsi haqqında müqavilə bağlayıblar", - deyə nazirlik bildirib.
Polşa hakimiyyəti alınan vəsaiti hava hücumundan müdafiə və raketdən müdafiə sistemlərinin alınmasına sərf edəcək. Qeyd olunub ki, bu, Varşavanın Vaşinqtonda aldığı ikinci belə kreditdir.