Bakı. Trend:
Portuqaliya prezidenti Marselo Rebelo de Souza, ölkədə növbədənkənar parlament seçkilərinin 18 may 2025-ci il tarixinə təyin edildiyini açıqlayıb.
Trend xəbər verir ki, dövlət başçısının bu bəyanatı RTP teleradio şirkəti tərəfindən yayımlanıb.
O, həmçinin Respublika Assambleyasının buraxıldığını və növbədənkənar seçkilərin bu tarixə təyin olunduğunu bildirib. Bu, son üç ildə Portuqaliyada keçiriləcək üçüncü parlament seçkisi olacaq.
Prezidentin qərarı, martın 11-də Respublika Assambleyasının fevral ayında başlayan siyasi böhran nəticəsində baş nazir Luiş Monteneqronun rəhbərlik etdiyi hökumətə etimad səsverməsindən imtina etməsindən sonra qəbul edilib.
Qalmaqalın ardından, 2024-cü ilin aprelində vəzifəyə başlayan baş nazir, kabinetinin hökumətə etimad məsələsini qaldırmağa hazır olduğunu, bununla da parlamentin ölkənin gələcək rəhbərliyi üçün şərtləri təsdiq edə biləcəyini bildirib.