Bakı. Trend:
ABŞ Prezidenti Donald Tramp Şimali Koreya ilə dialoqu yenidən qurmaq niyyətində olduğunu bəyan edib.
Trend xəbər verir ki, Tramp bu barədə Ağ Evdə çıxışı zamanı danışıb.
"Əgər mən seçilməsəydim, Hillari Klinton 2016-cı ildə ABŞ prezidenti olsaydı, siz Şimali Koreya ilə nüvə müharibəsi aparacaqdınız", – deyə Tramp vurğulayıb.
O, Şimali Koreya lideri Kim Çen In ilə Sinqapur və Vyetnamda keçirilən sammitlərdə şəxsi münasibətlər qurduqlarını əlavə edib. Trampın sözlərinə görə, bu münasibətlər ABŞ-KXDR münasibətlərində mühüm rol oynayıb.