...

“InvestAZ”dan dünya maliyyə bazarları ilə bağlı həftəlik analiz

İqtisadiyyat Materials 3 Sentyabr 2018 13:13 (UTC +04:00)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
“InvestAZ”dan dünya maliyyə bazarları ilə bağlı həftəlik analiz

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

Trend həmin məlumatı təqdim edir:

EUR

Dünya valyuta birjalarında EUR/USD məzənnəsi 1.17$-a kimi bahalaşdıqdan sonra yenidən 1.16$-a kimi ucuzlaşıb. Təhlillərə əsasən, qiymət keçən həftənin minimum səviyyəsinin altında qalarsa, 1.15$-a kimi də ucuzlaşa bilər.

Son günlər Amerikanın Kanada və Meksika ilə yeni ticarət sazişi uğrunda çalışması, dolların qiymətində də dalğalanmanın güclənməsinə səbəb olub. Meksika ilə ilkin razılaşma əldə olunsa da, Kanada ilə danışıqlar fonunda risklər mövcuddur. Donald Trampın Kanadaya qarşı səs tonunun sərtləşməsi isə ABŞ parlamentində tənqidlərə səbəb olub və beləliklə, ABŞ-ın hökümət daxilində də siyasi riskləri gücləndirib. Kanada ilə danışıqlar davam etdirilir və çərşənbə günü önəmli açıqlamaların ola biləcəyi ehtimal edilir.

Bununla yanaşı, cümə günü saat 16:30-da yayımlanacaq Amerikanın əmək bazarı ilə bağlı önəmli fundamental məlumatlar da məzənnəyə güclü təsiri baxımında diqqət mərkəzində saxlanılmalıdır.

GBP

GBP/USD məzənnəsi isə 1.29$-a ticarət edilməkdədir. İngiltərə ilə Avropa Birliyi arasında “BREXIT” fonunda danışıqların gərginləşməsi də məzənnəyə öz təsirini göstərməkdədir. İngiltərə hökümətinin AB ilə azad ticarət müqaviləsi təkidinin noyabr ayına kimi razılaşdırılmasına çalışılır. Beləliklə, burada da danışıqlar fonunda risklər və dolların qiymətində bahalaşma, GBP/USD məzənnəsinin 1.28$-a kimi də ucuzlaşmasına təsir edə bilər.

TRY

Türkiyə maliyyə bazarlarında isə Dollar/Lirə məzənnəsinin son bir həftə ərzində 6.83TL-yə kimi bahalaşdıqdan sonra 6.39TL-yə kimi ucuzlaşmışdır. Yeni həftənin ilk ticarət sessiyasında isə 6.56TL ətrafında dalğalanan məzənnə 6.70TL-ni də yuxarı istiqamətdə qıraraq üzərində möhkəmlənərsə, 6.92TL-yə kimi növbəti artım dalğasını bərpa edə bilər.

OIL

Avropanın Brent markalı neftinin bir barel qiyməti 78$-a kimi dəyər qazandıqdan sonra 77$-a kimi ucuzlaşıb və cümə gününün minimum səviyyəsi altında qalarsa, 75$-a kimi də ucuzlaşa bilər.

Bu həftənin cümə axşamı saat 19:00-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Əlvan metallar bazarlarında da qızıl qiyməti 1196$-a (38.5 $/qram) kimi ucuzlaşıb və 1207$-ın (38.8 $/qram) altında qaldıqca, 1181$-a (38.0 $/qram) kimi də ucuzlaşa bilər.

Məqalədə:
Xəbər lenti

Xəbər lenti