...

Azərbaycanda ÜDM-in tərkibində qeyri-neft-qaz sektorunun payı artıb

İqtisadiyyat Materials 25 Yanvar 2023 11:13 (UTC +04:00)
Azərbaycanda ÜDM-in tərkibində qeyri-neft-qaz sektorunun payı artıb

Bakı. Trend:

2021-ci illə müqayisədə ötən il ÜDM-in tərkibində qeyri-neft-qaz sektoru üzrə bir sıra sahələrdə əhəmiyyətli artım qeydə alınıb.

Trend-in məlumatına görə, bu barədə iqtisadiyyat naziri Mikayıl Cabbarov "Twitter" səhifəsində bildirib.

Nazir bildirib ki, bu dinamika turistlərin yerləşdirilməsi və ictimai iaşədə 58,2%, nəqliyyat və anbar təsərrüfatında 23,2%, informasiya və rabitədə 14,8%, tikintidə isə 13,4% təşkil edib.

Qeyd edək ki, 2022-ci ildə Azərbaycanda ÜDM 2021-ci ilə nisbətən 4,6% artaraq 133 mlrd. 825,8 mln. manat, qeyri-neft-qaz sektorunda isə 9,1% artaraq 69 mlrd. 826 mln. manat təşkil edib.

Dünya Bankının 2023-cü il üçün “Qlobal İqtisadi Perspektivlər” hesabatına əsasən Azərbaycan üzrə verilən proqnozlarda real ÜDM-nin artım tempi müsbət olaraq qalır. 2023-cü ildə Azərbaycan iqtisadiyyatında artım dünya ilə müqayisədə 1.1%, ECA regionu ilə müqayisədə isə 2.7% daha yüksək olacaqdır.

Məqalədə:
Xəbər lenti

Xəbər lenti