Bakı. Trend:
Ötən ilin dövlət büdcəsindən müdafiə və milli təhlükəsizlik sahəsinə 5 854 833 661 vəsait ayrılıb.
Trend-in məlumatına görə, bu barədə Azərbaycan Respublikasının
2023-cü il dövlət büdcəsinin icrası haqqında qanun layihəsində qeyd
edilib.
Milli təhlükəsizlik sahəsinə 369 456 507 manat, sərhəd xidmətinə
459 325 386 manat, müdafiə və milli təhlükəsizlik sahəsində tətbiqi
tədqiqatlar 4 775 328 manat, müdafiə və milli təhlükəsizlik
sahəsinə aid edilən digər fəaliyyətlər 3 074 785 049, xüsusi
müdafiə təyinatlı layihələr və tədbirlər üzrə xərclər 3 068 045 579
manat vəsait xərclənib.
Qeyd edək ki, Azərbaycan Respublikasının 2023-cü il dövlət büdcəsinin icrası gəlirlər 35 236 394,3 min manat, xərclər 36 457 956,1 min manat məbləğində olmaqla təsdiq edilməsi təklif edilir.