Bakı. Trend:
Bu ilin yanvarın 1-nə Azərbaycan banklarının informasiya və rabitə sektoru üzrə biznes kredit portfeli 784,8 milyon manat təşkil edib.
Trend bu barədə Azərbaycan Mərkəzi Bankına (AMB) istinadən xəbər verir.
Məlumata əsasən, sözügedən sahə üzrə kredit portfeli aylıq müqayisədə 38,1 milyon manat və ya 5,1%, ötən ilin eyni dövrünə nisbətən isə 148,9 milyon manat 23,4% artıb.
Belə ki, informasiya və rabitə sektoru üzrə banklar tərəfindən verilmiş biznes kreditlərin məbləği 2025-ci ilin dekabrın 1-nə 746,7 milyon manat, ötən ilin yanvarın 1-nə isə 635,9 milyon manat təşkil etmişdi.
Qeyd edək ki, 2026-cı ilin yanvarın 1-nə Azərbaycanda bankların kredit portfeli 1,3% və ya 377,5 milyon manat artaraq 30,063 milyard manat olub. Kredit portfelinin strukturunda biznes kreditlәri 53,6% (16,106 milyard manat), istehlak kreditlәri 31,1% (9,354 milyard manat) vә ipoteka kreditlәri 15,3% (4,602 milyard manat) təşkil edib.