Azərbaycan, Bakı/ Trend , İ.Xəlilova/Alman İnkişaf Bankı KfW Azərbaycanın səlahiyyətli kredit təşkilatları ilə kənd yerlərinin aqromaliyyələşdirməsi üzrə layihənin imzalanmasını 2008-ci ilə təxirə salıb. Layihənin ümumi dəyəri 5 mln. avrodur. Bu barədə cümə günü KfW-in Bakı ofisinin rəhbəri Natiq Abdullayev məlumat verib. KfW layihənin reallaşdırılmasına bank və bank olmayan təşkilatlar arasından iki-üç tərəfdaş cəlb etmək niyyətindədir. Müqavilənin KfW-nin maliyyə layihələri üzrə meneceri Mixael Yinçikin Bakıya bu yaxınlardakı səfərinin gedişində imzalanacağı güman edilirdi. Görüş baş tutsa da, alman tərəfi sənədlər üzərində işlərini başa çatdırmadığı üçün müqavilənin imzalanması təxirə salınıb. Abdullayev, kənd kreditlərinin verilməsini birbaşa həyata keçirəcək kredit təşkilatlarının adını səsləndirməkdən imtina edib. KfW bu kredit təşkilatlarına subordinasiya edilmiş kreditlər ayırmaq niyyətindədir. Belə kreditlər ikinci səviyyənin kapitalına yatırılır. Lakin buna baxmayaraq, onların vəsaitləri kənd əhalisinə kredit verliməsi üçün istifadə ediləcək. Layihənin birinci mərhələsində Şəki-Zaqatala və Qazaxın kənd yerləri əhatə ediləcək. Növbəti ilin yayında ilk kreditlərin veriləcəyi güman edilir. Kreditlərin şərtləri bankların Alman-Azərbaycan fondu tərəfindən maliyyələşdirməsinin şərtləri ilə oxşar olacaq.
...
