Bakı. Trend:
Türkiyənin məşhur aktyoru Kadir İnanır 77 yaşında dünyasını dəyişib.
Aktyor mayın 15-də səhhətində yaranan problem səbəbindən İstanbulun Beşiktaş rayonunda yerləşən xəstəxanalardan birinə aparılıb. Ona ilkin tibbi yardım göstərildikdən sonra həkimlərin qərarı ilə reanimasiya şöbəsinə yerləşdirilib.
Müayinələrin nəticəsində Kadir İnanıra pnevmoniya diaqnozu qoyulub. Vəziyyəti ağırlaşdığı üçün o, süni tənəffüs aparatına qoşulub.
Həkimlərin göstərdiyi bütün tibbi müdaxilələrə baxmayaraq, aktyorun həyatını xilas etmək mümkün olmayıb.
