Bakı. Trend:
“Gəmilərdə zərərli çirklənmə əleyhinə sistemlərə nəzarət haqqında beynəlxalq Konvensiya”ya qoşulmaq barədə Azərbaycan Respublikasının Qanunu təsdiqlənib.
Prezident İlham Əliyevin imzaladığı qərara əsasən, Azərbaycan Respublikası 2001-ci il oktyabrın 5-də London şəhərində imzalanmış “Gəmilərdə zərərli çirklənmə əleyhinə sistemlərə nəzarət haqqında beynəlxalq Konvensiya”ya qoşulub.
Qeyd edək ki, Milli Məclis iyunun 12-də "Gəmilərdə zərərli çirklənmə əleyhinə sistemlərə nəzarət haqqında beynəlxalq Konvensiya"ya qoşulmaq barədə qanun qəbul etmişdi.
