Bakı. Trend:
"Roma"nın müdafiəçisi Uesli karyerasını İngiltərə Premyer Liqasında davam etdirə bilər.
Bu barədə insayder Kərəm Komur məlumat yayıb.
"Çelsi" braziliyalı futbolçunu transfer etmək istəyir.
"Roma" Ueslini satmağın əleyhinə deyil. Paytaxt klubu 22 yaşlı sağ cinah müdafiəçisi üçün 60 milyon avro tələb edir.
Qeyd edək ki, "Roma" Ueslini 2025-ci ilin yayında "Flamenqo"dan 25 milyon avroya transfer edib. Braziliya millisinin üzvü A Seriyası təmsilçisinin heyətində meydana çıxdığı 39 rəsmi matçda 5 qol və 2 məhsuldar ötürmə ilə yadda qalıb.
