Azərbaycan, Bakı, 13 fevral/ Trend , müxbir İ.Xəlilova/ Azərbaycanın İqtisadi İnkişaf Nazirliyi nəzdində Antiinhisar Dövlət Xidməti Qiymətli Kağızlar bazarına sahibin ona çatdığı zaman inhisarçı hesab edildiyi payı artırmağı təklif edir. Xidmət rəhbəri Samir Dadaşovun sözlərinə görə, Rəqabət Məcəlləsi layihəsində Qiymətli Kağızlar bazarında 10 faizdən çox paya sahib olan inhisarçı sayılır.
"Dəyişikliklər yalnız Qiymətli Kağızlar üzrə həddə toxunacaq və Qiymətli Kağızlar üzrə son hədd bu bazarın analizi əsasında təklif ediləcək", - Dadaşov dəqiqləşdirib.
Layihəyə görə, mal xidməti bazarına 35 faiz və daha çox paya malik təsərrüfat subyekti inhisarçı sayılır. Lakin bank, sığorta, lizinq xidmətləri, qeyri-dövlət pensiya sığortası bazarına 25 faizin sahibi inhisarçı sayılır. İnhisar mövqeləri olan subyektlər defisit yaranarkən öz məhsullarının (xidmətlərin) qiymətini əsassız olaraq qaldırmaq, həmçinin, rəqabətqabiliyyətli mühitin yaradılması imkanlarına maneçilik törətmək haqqına malik deyillər.
Xidmət rəhbərinin sözlərinə görə, Məcəlləyə əsasən, ölkə inhisarçıların reyestrinin aparılmasından imtina edir. Lakin belə anlayış var ki, "hansı şərtlərlə şirkətin bazarda hakim vəziyyət tutduğu hesab edilir".
Lakin məcəllə ilə təbii inhisarlar sahələri müəyyən edilir: magistral boru kəmərləri ilə neft və neft məhsullarının nəqli; nəql üzrə xidmətlər, təbii qazın bölüşdürülməsi və təbii qazla təminat; elektrik və istilik enerjisinin istehsalı, ötürülməsi və təmin edilməsi; magistral və yerli dəmir yolu xətləri xidmətləri, yol qurğuları və tikililərinin, magistral, ümumi və s. avtomobil yollarının istismarı.
Dadaşov Dünya Bankının Antiinhisar Xidmətinə hüquq-mühafizə orqanları funkisiyalarının verilməsi haqqında təkliflərinin parlamentarilər tərəfindən geniş dəstək almadığını və bu məsələnin, hələ ki, açıq qaldığını bildirib.
"Biz yalnız xidmətin fəaliyyətinin funksional istiqaməti haqqında danışa bilərik. Xidmətin statusu isə, mənim səlahiyyətimdə deyil", - o dəqiqləşdirib.
Rəqabət Məcəlləsi Milli Məclisdə ikinci oxunuşdan keçib və üçüncüyə hazırlaşır.
Sənəd azad və sağlam rəqabətin təmin edilməsinin hüquqi əsaslarını, sahibkarlıq fəaliyyəti sahəsində müdafiəni müəyyən edir, həmçinin. mal və maliyyə bazarlarında fəaliyyət göstərən təsərrüfat subyektlərinin münasibətlərini nizamlayır.
Məqalə müəllifinin ünvanı: [email protected]