Azərbaycan, Lənkəran, 20 may / Trend , müxbir P.Əliyeva/ Bu il Biləsuvarda taxıl əkini sahəsi 24 min ha təşkil edib. Bu isə 2007-ci illə müqayisədə 1,4 min ha çoxdur. Bu barədə Biləsuvar rayon icra hakimiyyətinin başçısı Rafael Quliyev məlumat verib.
Onun sözlərinə görə, ötən il taxil istehsalı 60 min ton təşkil edirdisə, bu il bu göstəricini 70 min ton olacağı gözlənilir.
"Hal-hazırda biçinə hazırlıq prosesi gedir. Rayonda 81 taxılyığan kombayn var. Bu kombaynlardan 10 ədədi rayonun aqro servis müəssisəsinə, digərləri - şəxsi sahibkarlara məxsusudur", - Quliyev əlavə edib.
Rayonda texnikaya olan tələbat 90-95 kombayn təşkil edir. Zərurət yarandığı halda? kombaynlar Cəlilabad rayonundan gətirilir.
Biləsuvar rayonunda ümumi əkin sahəsi44 min ha təşkil edir.