...

"Şimal-Cənub" beynəlxalq dəhlizi üzrə işçi qruplarının görüşünü iyunun 20-dək keçirmək planlaşdırılır

Biznes və iqtisadiyyat xəbərləri Materials 10 İyun 2008 17:08 (UTC +04:00)

Azərbaycan, Bakı, 10 iyun/ Trend Capit , müxbir E.İsmayılov/ "Şimal-Cənub" beynəlxalq nəqliyyat dəhlizi layihəsinin reallaşdırılması çərçivəsində, işçi qruplarının üçtərəfli görüşünü iyunun 20-dək keçirmək planlaşdırılır. Bu barədə çərşənbə axşamı Azərbaycan Dövlət Dəmir Yolu İdarəsindən məlumat veriblər.

Görüşdə Qəzvin-Rəşt-Astara (İran) - Astara (Azərbaycan) xəttinin tikintisi layihəsi üzrə məsələlər, üçtərəfli əməkdaşlığın genişləndirilməsi və digər məsələlər müzakirə olunacaq.

"Şimal-Cənub" nəqliyyat dəhlizi layihəsi Rusiya, Azərbaycan və İran vasitəsilə Avropadan Hindistan və Cənub-Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. Layihənin reallaşdırılmasına $400 mln.-dan çox vəsait tələb olunur. İşlərin əksər hissəsi Azərbaycan sərhədinədək dəmir yolu rabitəsinə malik olmayan İranda həyata keçirilməlidir. Azərbaycanda $20 mln.-dan çox vəsaitə müəyyən işlər görmək lazımdır.

Azərbaycanda həyata keçirləcək işlərin həcmi böyük deyil. Astara stansiyasınadək təqribən 8,5 km yol hissəsi çəkilməli, təkər cütlüklərinin dəyişmə sistemi olan stansiyalar, sərhəd və gömrük infrastrukturu yaratmaq lazımdır. Sərhəd dəmir yolu körpüsü tikmək də lazımdır. Lakin bu layihənin reallaşdırılması İranla paritet əsasda həyata keçiriləcək.

Birinci mərhələdə bu dəhlizlə 5 mln. ton yükün daşınacağı proqnozlaşdırılır. Sonra isə, bu rəqəm ildə 10-15 mln. tona çatacaq.

Müəlliflə əlaqə saxlamaq üçün elektron ünvan: cap

Xəbər lenti

Xəbər lenti