Azərbaycan, Bakı, 15 iyul/ Trend , müxbir İ.Xəlilova/2008 -ci ilin mayı ilə müqayisədə, iyunda istehlak malları və xidmət tarifləri qiymətlərinin artım tempi 0,1 faiz, birinci yarımildə isə, ötən ilin yanvar-iyunu ilə müqayisədə 20,2 faiz təşkil edib. Bu barədə çərşənbə axşamı Dövlət Statistika Komitəsindən məlumat veriblər.
İyun ərzində ərzaq mallarının qiyməti 0,5 faiz ucuzlaşıb, qeyri-ərzaq malları 0,5 faiz, xidmət tarifləri isə 1,2 faiz bahalaşıb.
2007-ci ilin birinci yarımili ilə müqayisədə, ərzaq mallarının qiymətləri 28 faiz, qeyri-ərzaq - 10,6 faiz, xidmətlər sahəsində tariflər isə - 11,2 faiz artıb.
İyunda mövsümi dəyişikliklərə məruz qalan mal və xidmətlər (meyvə və tərəvəzlər) və dövlət tərəfindən tənzimlənən qiymətlər çıxılmaqla, hesablanan istehlak qiymətlərinin bazis indeksi 101 faiz, birinci yarımildə isə, ötən ilin müvafiq dövrü ilə müqayisədə, 121,6 faiz təşkil edib.
İyulun 15-nə olan cari məzənnə - 0,8051 AZN/USD
Müəlliflə əlaqə saxlamaq üçün elektron ünvan: [email protected]