Azərbaycan, Bakı, 21 iyul/ Trend müxbir İ.Xəlilova/ Azərbaycan hökuməti üçüncü və dördüncü avtomagistrallar (M-3 və M- 4) çərçivəsində, avtomobil yollarının yenidən qurulmasına maliyyələşdirmənin təqdim edilməsi təklifi ilə Dünya Bankına (DB) müraciət edib. Bu barədə bazar ertəsi Nəqliyyat Nazirliyindən məlumat veriblər. Banka ümumi uzunluğu 800 km olan avtomobil yollarının siyahısı təqdim edilib.
Hazırda bank artıq iki bir-birini tamamlayan layihəni maliyyələşdirir. Ələt-Masallı avtomagistralının genişləndirilməsi və marşrutunun dəyişdirilməsi, həmçinin, Bakını respublikanın qərb rayonları ilə birləşdirən Bakı - Şamaxı - Muğan yolunun təmirini nəzərdə tutan birinci layihə çərçivəsində $200 mln. ayrılıb. Kredit 2006 - cı ildə təsdiqlənib. 2008 - ci ilin aprelində təsdiqlənən və $300 mln. həcmində olan ikinci kredit hesabına Ələt-Masallı magistral yolunun müasirləşdirilməsi, Kürdəmir-Ucar bölməsinin mövcud Bakı-Gürcüstan sərhədi magistral yolunun reabilitasiyası, mövcud Bakı-Şamaxı magistral yolunun reabilitasiyası, Tağıyev qəsəbəsi - Sahil qəsəbəsi avtomagistralının (Bakını dövr etməklə) yenidən qurulması və bəzi bitişik yolların reabilitasiyası daxildir.
Layihənin məqsədi yol-nəqliyyat layihələrinin dəyərinin azaldılması və Şərq - Qərb və Şimal - Cənub dəhlizlərinin mövcud seçilmiş sahələrinin müasirləşdirilməsi və bərpası yolu ilə çıxışın, tranzitin və yol təhlükəsizliyinin artırılmasından ibarətdir.
DB-nin infrastruktur layihələri Beynəlxalq Yenidənqurma və İnkişaf Bankı xətti ilə maliyyələşdirilir - yəni kredit ilə, 4 il güzəştli dövr olmaqla, 20 il müddətinə və illik libor+0,5 faiz dərəcə altında ayrılır.
İyulun 21-ə olan cari məzənnə -- 0,8056 AZN/USD.
Müəlliflə əlaqə saxlamaq üçün elektron ünvan: [email protected]
