Azərbaycan, Bakı, 27 avqust / Trend , müxbir Ü.İsmayılova/ Azərbaycanın iri sığorta şirkətlərindən biri MBASK sentyabrın 1-də şirkət təsisçilərinin ümumi toplantısını keçirəcək, şirkətin İdarə Heyətinin sədri Cəmil Məlikov çərşənbə günü bildirib.
"Növbəti toplantıda şirkətin yeni Nizamnaməsi təsdiqlənəcək", - o bildirib.
Məlikovun sözlərinə görə, təsisçilər bundan əlavə 2007-ci il maliyyə ili, onun nəticələrini müzakirə edəcək, həmçinin Nizamnamə kapitalının artırılmasını təklif edəcəklər.
"Nizamnamə kapitalının nə qədər artırılacağı hələ məlum deyil", - Məlikov bildirib.
Azərbaycanın sığorta bazarında 1992-ci ildən fəaliyyət göstərən MBASK SŞ dördü icbari olmaqla 29 növ sığorta xidməti göstərir. Şirkətin Nizamnamə kapitalı 2 mln. manatdır. 2005-ci ilin yanvarından MBASK-ın səhmlərinin 30 faizi Avropa Yenidənqurma və İnkişaf Bankına məxsusdur.
Müəlliflə əlaqə saxlamaq üçün elektron ünvan: [email protected]