Azərbaycan, Bakı, 12 dekabr/ Trend , müxbir İ.Əlizadə/ Yaxın üç ildə "Azərbaycan hava yolları" Milli Aviaşirkəti Rusiya və keçmiş SSRİ-nin istehsalı olan təyyarələrdən tamamilə imtina edəcək. Bu barədə cümə günü Azərbaycan Mülki Aviasiya Administrasiyasının rəhbəri Arif Məmmədov bildirib.
"Azərbaycan yaxın üç ildə Boeing markalı səkkiz yeni təyyarə alacaq. Bundan sonra AZAL Sovet texnikasından imtina edəcək", - deyə Məmmədov bildirib.
Hazırda Milli Aviasiya Şirkəti Rusiya və keçmiş SSRİ-nin istehsalı olan iki-üç təyyarədən istifadə edir. Onlar yalnız tam texniki müayinədən keçdikdən sonra uçuşlara buraxılır. Milli Aviaşirkətin təyyarə parkı 90 faiz yenilənib.
Məqalə müəllifi ilə əlaqə ünvanı - [email protected]