Azərbaycan, Bakı, 12 dekabr/ Trend , müxbir R.Novruzov/ "Dünya maliyyə böhranı ilə əlaqədar tikinti materiallarının qiymətinin azalması Azərbaycanda nəqliyyat infrastrukturu tikintisi layihələrinin ucuzlaşmasına gətirə bilər", - nəqliyyat nazirinin müavini Musa Pənahov cümə günü bildirib.
"Layihələrin dəyəri müqavilələrdə göstərilmiş formulalar üzrə hesablanır. Təbii ki, tikinti materiallarının dəyəri ucuzlaşarkən, layihələrin dəyəri də azalır", - Pənahov əlavə edib.
Bu gün Azərbaycanın Nəqliyyat Nazirliyi bir sıra iri nəqliyyat layihələrini realizə edir və bunu gələcəkdə də davam etdirmək niyyətindədir. Layihələr arasında Bakının nəqliyyat infrastrukturunun boşaldılması üçün körpü və yeraltı keçidlərin tikintisi, iri avtomobil magistrallarının yenidən qurulması, yeni limanın tikintisi və s.var.
Müəlliflə əlaqə saxlamaq üçün elektron ünvan: [email protected]
