Azərbaycan, Bakı, 15 dekabr/ Trend , müxbir Ü.İsmayılova/ "2009-cu ilin birinci yarısında Azərbaycanda inflyasiyanın artacağı gözlənilmir və hətta əksinə, ölkədə deflyasiya müşahidə olunacaq. Lakin bu, pensiyaların baza hissəsinin artırılması dinamikasına təsir göstərməyəcək", - Azərbaycan Dövlət Sosial Müdafiə Fondunun rəhbəri Səlim Müslümov bazar ertəsi bildirib.
"Hazırda bütün dünyada müşahidə edilən resessiya vəziyyətində belə vəziyyət təbiidir", - Müslümov deyib.
Onun sözlərinə görə, Azərbaycanda qiymətlər əsasən inflyasiyanın idxalına görə artır. Lakin dünya böhranı şəraitində xarici mallar ucuzlaşır. Bu səbəbdən deflyasiya pensiyaçılar üçün çox faydalıdır, - Fondun rəhbəri hesab edir.
"2009-cu ildə Azərbaycanda pensiyaların baza hissəsinin cəmi bir dəfə artacağı gözlənilir. Lakin inflyasiyanın səviyyəsindən asılı olaraq və dünya prosesləri fonunda yaranmış vəziyyəti nəzərə alaraq, birinci yarımil ərzində vəziyyət yenidən təhlil ediləcək", - Müslümov deyib.
Hazırda Azərbaycanda pensiyaların baza hissəsi 75 manat təşkil edir, gələn ildən bu göstəricini 80 manatadək artırmaq planlaşdırılır.
2009- cu ildə 65 min nəfərin pensiyaçı olacağı təqdirdə, müxtəlif səbəblərdən 38 min nəfər pensiya sistemindən çıxarılacaq.
Rəsmi məlumatlara görə, yanvar-oktyabrda Azərbaycanda inflyasiyanın səviyyəsi 21,6 faiz təşkil edib. Cari ilin yekunlarına görə, inflyasiyanın 15-16 faiz səviyyəsində olacağı gözlənilir, 2009-cu ildə illik 12-14 faiz səviyyəsində proqnozlaşdırılır.
Dekabrın 15-nə olan cari mübadilə məzənnəsi -- 0,805 AZN/USD.
Müəlliflə əlaqə saxlamaq üçün elektron ünvan: [email protected]
