Azərbaycan, Bakı, 10 iyul / Trend , müxbir İ.Хəlilova /
"Azərbaycan hökuməti ilə 2010-2012-ci illəri əhatə edəcək yeni əməkdaşlıq proqramının hazırlığına başlamaq üçün İslam İnkişaf Bankının (İİB) missiyasının iyulun 29-dan etibarən Bakıya səfəri başlayır", - cümə günü ölkə hökumətindən deyilib. Bankın missiyasının səfəri avqustun 7-nə qədər davam edəcək.
"İİB Azərbaycanın energetika, su təchizatı və irriqasiya, avtomobil yollarının tikintisi, qaçqınların və məcburi köçkünlərin həyat səviyyəsinin yaxşılaşdırılması ilə bağlı layihələrin maliyyələşdirilməsinə üstünlük verir" - hələ bir müddət əvvəl bankın nümayəndəsi Tamerlan Tağıyev belə deyib.
Səfərin gedişində həmçinin İslam Bankı tərəfindən 780 meqavattlıq yeni Cenub (Əli Bayramlı istilik elektrik stansiyasının yaxınlığında) stansiyasının tikintisini maliyyələşdirməsi imkanlarının da müzakirə edilməsi gözlənilir. Azerenerji ASC Azərbaycanın AZENCO şirkəti ilə ötən il bağlanmış müqavilə əsasında, artıq elektrik stansiyasının tikintisinə başlayıb, o cümlədən avadanlıqların bir hissəsi alınıb. Bu işlər 300 milyon avro kredit ayıran üç bankın - Bayerische landesbank, Societe Generale və Credit Suisse-nin konsorsiumunun vəsaitləri hesabına aparılır. Kreditin müddəti 10 ildir.
Gözlənilirdi ki, bank konsorsiumunun kredit resursları stansiyanın tikintisi üzrə işlərin dəyərinin yarısını əhatə edəcək. Cenub stansiyası həm qaz, həm də mazutla işləyəcək. Qalan hissənin büdcə vəsaitləri hesabına örtülməsi gözlənilirdi. Ancaq hökumət daha 215 milyon xarici borc cəlb etmək qərarına gəldi ki, İİB missiyası ilə müzakirə mövzusu da bu olacaq.
İİB Azərbaycana layihələrin maliyyələşdirilməsi üçün 280 milyon dollar vəsait ayırıb.
Azərbaycan 1991-ci ildən İslam Bankının üzvüdür. Üzv ölkələrin bankdakı kapitalı 0,13 faiz təşkil edir. Bununla yanaşı, layihələrin maliyyələşdirilməsi dövlətin zəmanəti altındadır. Artıq bankın struktur bölmələri, İslam İnişaf Korporasiyasının özəl sektorları Azərbaycanın layihələrini dəstəklədiklərini bəyan ediblər. Kommersiya bankları vasitəsilə maliyyələşdirmənin genişləndirilməsi ilə yanaşı, korporasiya yerli şirkətləri dəstəkləməyə də hazırdır.
Eyni zamanda, korporasiyanın Xəzər beynəlxalq İnvestisiya Kompaniyası, İCD idarələrinin Azərbaycanın İnvestisiya Şirkətləri ilə birgə ölkədə özəl sektoru maliyyələşdirməsi imkanları da var.
İslam İnkişaf Bankı 1975-ci ildə yaradılıb. Bankın kapitalı əsası qoyulandan bu günə kimi 15 dəfə artırılaraq 2 milyard islam dinarından 30 milyard dinara qədər çoxaldılıb. (İslam dinarı İİB-nın yeganə valyutasıdır və Beynəlxalq Valyuta Fondundan alınmış xüsusi ekvivalentlik hüququna malikdir).
Məqalə müəllifi ilə əlaqə ünvanı: [email protected]
