Qazaxıstan, Astana, 23 iyul / Trend , müxbir K. Konırova /
23 iyula Astanada A/H1N1 qripinə 6 yoluxma halı qeydə alınıb. Bu barədə Qazaxıstan Səhiyyə Nazirliyinin mətbuat xidmətindən bildirilib.
"Onlardan üçünün diaqnozları təsdiq olunub, daha üç uşaq isə şübhə altındadır", - məlumatda deyilir.
Xəstələnənlərin hamısı bu il iyunun 18-dən iyulun 19-dək Böyük Britaniyada təlimdə olan 12-15 yaşlı uşaqlardır.
Nazirliyin məlumatına görə, A/H1N1 virusuna yoluxduğu təsdiq olunan iki uşaq hazırda xəstəxanadadır. Yüngül formada xəstələnmiş bir uşaq və bu xəstəliyə tutulduğu güman edilən üç uşaq evdə müalicə alır.