Azərbaycan, Bakı, 12 sentyabr / Trend , müxbir N.İsmayılova /
Azərbaycan iqtisadiyyatının bank kreditləşməsi üzrə orta faiz dərəcəsi avqustun 1-nə milli valyuta ilə 15,34 faiz təşkil edib. Bu göstərici iyulun 1-nə 17,12 faiz, yanvarın 1-nə 17,45 faiz, 2008-ci il avqustun 1-nə isə 18,21 faiz təşkil etmişdi. Bu barədə cümə günü Azərbaycan Mərkəzi Bankından (AMB) bildirilib.
Bank kreditləşməsi üzrə orta faiz dərəcəsi SDV (sərbəst dönərli valyuta) ilə 16,39 faiz təşkil edib. Bu rəqəm iyulun 1-nə 17,59 faiz, yanvarın 1-nə 14,52 faiz, ötən ilin avqustun 1-nə isə 14,1 faiz olub.
Hüquqi şəxslərin bank kreditləşməsi üzrə orta faiz dərəcəsi avqustun əvvəlinə milli valyuta ilə 2,74 faiz təşkil edib. İyulun 1-nə göstərici 14,80 faiz, yanvarın əvvəlinə 14,87 faiz, ötən il avqustun 1-nə isə 15,95 faiz təşkil edib. Korporativ müştərilərin bank kreditləşməsinin orta faiz dərəcəsi SDV ilə avqustun 1-nə 13,79 faiz təkil edib. Bu rəqəm iyulun 1-nə 15,01 faiz, yanvarın 1-nə 12,37 faiz, 2008-ci il avqustun 1-nə isə 11,71 faiz təşkil etmişdi.
Hesabat dövrü ərzində fiziki şəxslərin bank kreditləşməsi üzrə orta faiz dərəcəsi milli valyuta ilə 20,83 faiz təşkil edib. İyulun 1-nə bu göstərici 21,19 faiz, yanvarın 1-nə 21,53 faiz, 2008-ci il avqustun 1-nə isə 21,38 faiz təşkil etmişdi. Fərdi müştərilərin bank kreditləşməsi üzrə orta faiz dərəcələri SDV ilə 22,19 faiz təşkil edib. Bu rəqəm müvafiq olaraq 22,67, 21,52 və 21,38 faiz olub.
Məqalə müəllifi ilə əlaqə ünvanı: [email protected]