Azərbaycan, Bakı, 08 yanvar / Trend , müxbir E.İsmayılov/
Avropa-Qafqaz-Asiya nəqliyyat dəhlizi çərçivəsində (TRACECA) yanvarın sonunda Bakıda Azərbaycan, Qazaxıstan, Gürcüstan və Türkmənistanın işçi qruplarının görüşü keçiriləcək, TRACECA-nın Azərbaycan üzrə milli katibi Akif Mustafayev cümə günü deyib.
"Hələlik Azərbaycan, Qazaxsıtan, Gürcüstan və ola bilsin ki, Türkmənistanın işçi qruplarının görüşünün keçirilməsi tarixi razılaşdırılır. Yəqin ki, bu yanvar ayının sonunda olacaq", - Mustafayev deyib.
Mustafayev bildirib ki, görüş zamanı dəhliz və onun vəziyyəti çərçivəsində problemlərin, xüsusilə də tarif məslələrinin müzakirə edilməsi gözlənilir.
İclasda Azərbaycan tərəfdən nəqliyyat nazirliyi, dəmir yolları, Xəzər Dəniz Gəmiçiliyinin, Bakı Beynəlxalq Limanının, həmçinin Gömrük Komitəsinin nümayəndələri iştirak edəcəklər.
