Аzərbaycan, Bakı, 15 may /Trend,müxbir N.İsmayılova/
Yanvar-aprel ayları ərzində Azərbaycanda orta aylıq əməkhaqqının həcmi ötən ilin analoji dövründəki həcmdən 4,8 faiz çox (309,8 manat) təşkil edib. Şənbə günü Dövlət Statistika Komitəsindən verilən məlumatda belə deyilir.
Ən yüksək əməkhaqqı hasilat sənayesi, maliyyə sahəsi, informasiya və rabitə, elmi və texniki fəaliyyət, həmçinin tikinti sahəsində çalışanlar üçün müəyyən olunub.
Müəssisə və təşkilatlarda çalışan işçilər 3,6 milyon manat sosial müavinət alıblar. Onlar arasında hasilat sənayesi, enerji istehsalı və paylanması üzrə müəssisələr, qaz, su, maliyyə və sığorta sahələrində, eləcə də nəqliyyat və rabitə sektorunda fəaliyyət göstərənlər üstünlük təşkil edir.
Yanvar-aprel ayları ərzində bir nəfərə düşən nominal gəlir ötən ilin analoji dövründə qeydə alınan göstəricini 7,4 faiz üstələyərək 823,1 manat təşkil edib. Əhali arasında bir nəfərə düşən real gəlir 7,9 faiz artaraq 739,3 manat təşkil edib.
Yanvar-aprel ayları ərzində Azərbaycan əhalisinin payına düşən nominal gəlirlər ötən ilin analoji dövr göstəricisi ilə müqayisədə 8,6 faiz artaraq 7320 milyon manat təşkil edib. Bu dövrdə əhalinin payına düşən real gəlirlər 9,2 faiz artaraq 6575,3 milyon manata çatıb.
Mayın 15-nə olan rəsmi məzənnə 0,8036 AZN/USD təşkil edir.
