Azərbaycan, Bakı, 12 noyabr /Trend, müxbir E.İsmayılov/
Oktyabrda Bakının daşınmaz əmlak bazarında qiymətlər orta hesabla 0,9 faiz, illik hesablamada altı faiz aşağı düşüb, ilin əvvəli ilə müqayisədə isə 6,6 faiz bahalaşıb. Bu barədə cümə axşamı "MBA Group Consalting" şirkətinin baş direktoru Nüsrət İbrahimov deyib.
Ekspertin hesablamalarına görə, oktyabrda Bakıda ilkin yaşayış mənzil bazarında qiymətlər 0,8 faiz azalaraq 1 kvadratmetr üçün sentybardakı 783 dollardan 777 dollaradək aşağı düşüb. İbrahimov deyib ki, ilin əvvəli ilə müqayisədə qiymətlər 7,2 faiz, ötən illə müqayisədə isə 12,7 faiz düşüb.
Təkrar mənzil bazarında qiymətlər oktyabrda 1,6 faiz, bir kvadrat metr üçün 1285 dollardan 1305 dollaradək qalxıb. Təkrar mənzil bazarında qiymətlər ilin əvvəli ilə müqayisədə 4,9 faiz, ötən ilin analoji dövrü ilə müqayisədə 5,4 faiz ucuzlaşıb.
Ötən ay Bakıda kommersiya obyektləri bazarında qiymətlər 1,6 faiz, bir kvadrat metri 3210 dollardan 3261 dollaradək qalxıb. İlin əvvəli ilə müqayisədə qiymətlər 3,8 faiz, ötən ilin analoji dövrü ilə müqayisədə 6,7 faiz aşağı düşüb.
Onun sözlərinə görə, ötən ay Bakının torpaq bazarında qiymətlər cüzi (2,4 faiz) bahalaşaraq bir sotun qiyməti 16310 dollardan 16700 dollaradək artıb. İlin əvvəli ilə müqayisədə bazarın bu seqmentində qiymətlər 3,9 faiz, ötən ilin müvafiq dövrü ilə müqayisədə isə 6,1 faiz düşüb.
Oktyabrda mənzillərin icarə qiyməti 2,9 faiz, orta hesabla 691 dollardan 670 dollaradək bahalaşıb. Ucuzlaşma il ərzində 10,9 faiz, ötən ilin müvafiq dövrü ilə müqayisədə isə 14,4 faiz olub.
İnşaat materiallarının qiymət indeksləri oktyabrda 1,2 faiz (395,1 bənddən 400-dək), ilin əvvəlindən 6,2 faiz, ötən ilin analoji dövrü ilə müqayisədə səkkiz faiz ucuzlaşıb.
Qeyri-yaşayış obyektlərinin icarəsi ay ərzində 1,2 faiz (2486 dollardan 2517 dollaradək) bahalaşıb. İlin əvvəlindən qiymətlər 13,5 faiz, il ərzində 5,8 faiz azalıb.