Azərbaycan, Bakı, 13 avqust /Trend, müxbir A.Axundov/
İyul ayında Azərbaycanda kənd təsərrüfatı məhsullarının istehsal qiyməti iyunla müqayisədə 3,4 faiz azalıbyanvar-iyulda isə ötən ilin anoloji dövrü ilə müqayisədə isə 12,4 faiz artıb. Bu barədə Trend-ə Azərbaycan Dövlət Statistika Komitəsindən məlumat verilib.
İyulda heyvandarlıq məhsullarının qiyməti ümumilikdə ötən ayla müqayisədə 2,6 faiz azalıb, ötən ilin analoji dövrü ilə müqayisədə isə ilk yeddi ay ərzində 11,7 faiz artıb.
Ay ərzində iribuynuzlu mal-qara, qoyun və keçilər diri çəkidə 0,5 faiz azalıb, onların südü (emal edilməmiş) və yununun qiymətləri 0,7 faiz bahalaşıb. Ev toyuğu və yumurta 11,5 faiz ucuzlaşıb.
Kənd təsərrüfatı məhsullarının taxıl və paxla bitkilərinin istehsal qiymətləri ay ərzində 3,6 faiz azalıbBundan başqa, tərəvəz və bostan məhsullarının qiyməti də 6,2 faiz azalıb.
İyulda meşə təsərrüfatı mallarının qiymətləri ay ərzində dəyişməz qalıb, il ərzində 5,3 faiz azalıb, balıq və balıq məhsullarının qiyməti 0,3 faiz artıb, il ərzində isə 5,2 faiz azalıb.
2011-ci ilin ilk yeddi ayı ərzində Azərbaycanda kənd təsərrüfatı məhsullarının istehsalı ötən ilin analoji dövrü ilə müqayisədə 10,2 faiz, o cümlədən bitkiçilik məhsulları 15,1 faiz, heyvandarlıq məhsulları 4,8 faiz artıb.
Yanvar-iyulda faktiki qiymətlər üzrə kənd təsərrüfatı məhsullarının ümumi dəyəri 2,702 milyard manat təşkil edib.
Yeddi ay ərzində ölkənin meşə təsərrüfatlarında istehsal edilən məhsul və xidmətlərin faktiki qiymətlər üzrə ümumi dəyəri 413,2 min manat təşkil edib, eləcə də 63,1 min manatlıq balıq tutulub.
Avqustun 13-nə olan rəsmi məzənnə 0,7866 AZN / USD təşkil edir.
