Azərbaycan, Bakı, 14 yanvar /Trend, müxbir A.Axundov/
2011-ci ildə Azərbaycan ərazisi üzrə nəqliyyat vasitələri ilə təxminən 59,712 milyon ton yük daşınıb ki, bu da ötən ilin göstəricisindən 8,37 faiz çoxdur. Trend-in məlumatına görə, bu barədə şənbə günü Azərbaycan Dövlət Gömrük Komitəsinin məlumatında deyilir.
Bu dövr ərzində yük ixracatı 34,703 milyon ton, idxalı isə 9,107 milyon ton təşkil edib.
Ötən il dəniz nəqliyyatı ilə 320,417 min ton yük, dəmiryol ilə 3,327 milyon ton, avtomobillə 518,678 min ton, hava ilə 602,582 min ton yük ixrac edilib. Stasionar nəqliyyat vasitələri ilə daşıma isə 29,928 milyon ton olub.
Dəniz nəqliyyatı ilə 1,305 milyon ton, dəmiryol - 5,842 milyon ton, avtomobil nəqliyyatı - 1,889 milyon ton, hava nəqliyyatı ilə 24,1 min ton yük idxal edilib.
2011-ci ildə Azərbaycan ərazisi üzrə tranzitlə təxminən 15,903 milyon ton yük daşınıb.