...

Azərbaycan Sığortaçılar Assosiasiyası büdcəsini artırır

Biznes və iqtisadiyyat xəbərləri Materials 1 Fevral 2012 11:14 (UTC +04:00)

Trend-i buradan izləyin

Azərbaycan, Bakı, 1 fevral /Trend, müxbir A.Axundov/

Azərbaycan Sığortaçılar Assosiasiyası (ASA) dünən keçirilən ümumi iclasın gedişində 2012-ci il büdcəsini qəbul edib. Bu barədə çərşənbə günü Trend-ə ASA-nın icraçı direktoru Azər Əliyev məlumat verib.

Onun sözlərinə görə, bu il büdcə ötən illə müqayisədə 40 faiz artıb. 2011-ci ildə Assosiasiyanın büdcəsi 170 min manat səviyyəsində olub.

"Artım sığorta forumu, sığortaçılar üçün olimpiada, sığortanın tətbiqi ilə bağlı jurnalın buraxılışı kimi əsas tədbirlərin büdcəyə daxil edilməsi hesabına baş verib. Əgər əvvəl onlar bəzi şirkətlər üçün hər hansı sponsor ayırmaları kimi yüklənmə idisə, bu gün bütün sığortaçılar bu yüklənməni mütənasib qaydada bölərək öz üzərlərinə götürüblər. Daha doğrusu, bu gün bizim forum keçirmək üçün minimum vəsaitimiz var", - Əliyev deyib.

Habelə 2011-ci ildə görülən işlər barədə hesabat dinlənilib.
"Ümumilikdə, sığortaçılar Assosiasiyanın işindən razıdırlar", - Əliyev deyib.

Azərbaycanda 29 sığorta və bir təkrarsığorta şirkəti fəaliyyət göstərir. Onların hamısı ASA-nın üzvləridir.

Xəbər lenti

Xəbər lenti