...

Azərbaycan 2012-ci ildə tədbirlərin keçirilməsinə təxminən 100 milyon dollar ayıracaq

Biznes və iqtisadiyyat xəbərləri Materials 10 Fevral 2012 20:11 (UTC +04:00)

Trend-i buradan izləyin

Azərbaycan, Bakı, 10 fevral /Trend, müxbir N.İsmayılova/

Azərbaycan Nazirlət Kabineti "Beynəlxalq və respublika səviyyəli tədbirlərin keçirilməsi ilə bağlı xərclər üzrə 2012-ci ilin dövlət büdcəsində nəzərdə tutulmuş vəsaitin bölgüsü" barədə sərəncamı təsdiq edib.

Sərəncama əsasən, bu maddə üzrə ümumi xərclər 77 milyon manat təşkil edir.

Həmin vəsaitdən parlamentə 828,35 min manat, Hesablama Palatasına 64 min manat, Fövqəladə Hallar Nazirliyinə 80 min manat, Xarici İşlər Nazirliyinə 2,6 milyon manat, İqtisadi İnkişaf Nazirliyinə 2,88 milyon manat, Kənd Təsərrüfatı Nazirliyinə 354 min manatın ayrılması nəzərdə tutulub.

Mədəniyyət və Turizm Nazirliyinə 5,4 milyon manat, Müdafiə Nazirliyinə 523 min manat, Rabitə və İnformasiya Texnologiyaları Nazirliyinə 150 min manat, Energetika Nazirliyinə 180 min manat, Təhsil Nazirliyinə 18,45 min manat, Dövlət Şəhərsalma və Arxitektura Komitəsinə 33 min manat, Diasporla İş üzrə Dövlət Komitəsinə 3,181 milyon manat, Dini Qurumlarla İş üzrə Dövlət Komitəsinə isə 117 min manatın ayrılması nəzərdə tutulub.

Sərəncama əsasən, beynəlxalq və respublika səviyyəli tədbirlərin keçirilməsi üzrə ehtiyat vəsait 9,89 milyon manat təşkil edir.

Fevralın 10-na olan rəsmi məzənnə 0,7863 AZN/USD təşkil edir.

Xəbər lenti

Xəbər lenti