Azərbaycan, Bakı, 27 fevral / Trend, müxbir A.Axundov /
Dünya Bankı (DB) Azərbaycan hökumətinə məhkəmə sisteminin modernləşdirilməsi layihəsinin yeni rəhbərini təqdim edəcək. Bu barədə bazar ertəsi Trend-ə DB-nin Bakı nümayəndəliyindən məlumat verilib.
"Hazırda bizdə layihənin rəhbərinin dəyişməsi prosesi gedir. Bu normal təcrübədir", - nümayəndəlikdən deyiblər.
Nümayəndəliyin məlumatına görə, layihənin hazırkı rəhbəri Klaus Dekker və yeni rəhbəri Amitahb Mahercinin başçılıq etdikləri missiya fevralın 27-dən martın 3-dək ölkədə səfərdə olacaq.
Missiyanın səfəri icmal xarakteri daşıyır.