Azərbaycan, Bakı, 2 avqust /Trend, müxbir İ.Xəlilova/
Mərkəzi Bank yanında fəaliyyət göstərən Azərbaycan İpoteka Fondunun (AİF) xətti ilə 2012-ci ilin yanvar-iyul aylarında 39,27 milyon manat və ya 49,99 milyon dollardan çox kredit verilib. Trend-in məlumatına görə, bu barədə çərşənbə axşamı AİF-in saytında dərc edilən statistik hesabatda deyilir. İyun ayı ilə müqayisədə iyulda verilən ipoteka kreditlərinin həcmi 13 faiz artıb.
AİF-in xətti ilə maliyyələşdirməyə başlanandan - 2006-cı ildən 2012-ci ilin avqustunadək - 384,73 milyon manatdan çox ipoteka krediti ayrılıb.
2012-ci ilin yanvar-iyul ayları ərzində bankların əvvəllər ayırdığı kreditlərin təkrar maliyyələşməsinin ümumi həcmi 56,78 milyon manat təşkil edib.
Bu ilin yeddi ayı ərzində AİF 23 milyon manat həcmində istiqrazlar yerləşdirib.