Azərbaycan, Bakı, 5 noyabr /Trend, müxbir A.Axundov/
Dünya Bankının (DB) Azərbaycana təqdim etdiyi analitik xidmətlər kənd təsərrüfatı, təhsil, dövlət institutlarının işinin səmərəliliyinin yüksəldilməsi, biznes mühitinin yaxşılaşdırılması kimi sahələrdə şaxələnmənin artımı ilə bağlı olacaq. Bu barədə bazar ertəsi Trend-ə bankın ölkə üzrə direktoru Səidə Bağırlı bildirib.
Onun sözlərinə görə, habelə DB-nin Azərbaycan hökumətinin makroiqtisadi tədqiqatlarında iştirakı mümkündür.
"Biz indi hökumətlə birgə tədqiqatlar üzrə çoxillik proqramın (Joint Economic Research Program - JERP) yaradılması üzərində çalışırıq. Həmin proqram hökumətə banka hansısa spesifik tədqiqatlar siafriş etməyə imkan verir. Biz investisiyalaşdırmanı və Azərbaycanda analitik işimizə hansısa texniki kömək göstərməyi davam etdirəcəyik. Lakin bir çox sahələr var ki, onlar bizim maliyyələşdirə biləcəyimiz çərçivədən çıxır. Bu, bankın yeni məhsuludur", - Bağırlı bildirib.
Azərbaycan hökuməti və DB işlərə başlamaq üçün JERP çərçivəsində çərçivə sazişi imzalamağa hazırlaşır. Proqramın birinci üçillik dövrü ilkin olaraq beş milyon dollar dəyərində qiymətləndirilir.
"Çərçivə sazişi hazırlanır, biz final variantı başa çatdırmışıq və onu baxılmaq üçün hökumətə təqdim edirik", - Bağırlı deyib.
