...

Azərbaycanın bank sektorunun kapitallaşması III rüb ərzində 5 faiz artıb

Biznes və iqtisadiyyat xəbərləri Materials 10 Noyabr 2012 17:12

Trend-i buradan izləyin

Azərbaycan, Bakı, 10 noyabr /Trend/

2012-ci ilin üçüncü rübü ərzində Azərbaycanın bank sektorunun kapitallaşması 5,3 faiz artıb. Kapitallaşma 2011-ci ilin üçüncü rübünə nisbətən 0,07 faiz artaraq 2012-ci il oktyabrın 1-nə 2346,6 milyon manat təşkil edib. Trend-in məlumatına görə, bu barədə şənbə günü Azərbaycan Mərkəzi Bankının (AMB) statistik hesabatında qeyd edilir.

AMB-nin məlumatına görə, kapitalı 10 milyon manatdan çox olan bankların sayı üçüncü rübün yekunları üzrə rüb ərzində dəyişməz qalaraq, cari ilin ikinci rübünün nəticələrinə nisbətən 1 bank, 2011-ci ilin analoji dövrü ilə müqayisədə isə 3 bank azalaraq 39 ədəd təşkil edib.

Ölkənin bütün banklarının ümumi kapitalının həcmində bu kateqoriyadan olan bankların xüsusi çəkisi üçüncü rübün yekunları üzrə 99,1 faiz təşkil edib. Ötən ilin III rübünün yekunları üzrə bu rəqəm 99,4 faiz, olub.

İki bankın (xüsusi çəkisi 0,7 faiz) kapitalı 5-10 milyon manat, bir bankın (0,2 faiz) kapitalı 3,5-5 milyon manat, daha bir bankın kapitalı isə 3,5 milyon manat çərçivəsində formalaşıb.

2012-ci ilin üçüncü rübünün yekunları üzrə Azərbaycanda 43 bank (42 kommersiya bankı və 1 dövlət bankı) fəaliyyət göstərib.

Məqalədə:
Xəbər lenti

Xəbər lenti