Azərbaycan, Bakı, 18 may/Trend, müxbir E. İsmayılov/
Azərbaycan Respublikası Dövlət Neft Fondunun (ARDNF) qısamüddətli planlarında Asiyada kommersiya daşınmaz əmlakının əldə edilməsi daxildir. Bu barədə Trend-ə ARDNF-dən bildiriblər.
"Neft Fondunun daşınmaz əmlakın alınmasına dair strategiyası və müvafiq tələbləri var. Əgər kommersiya daşınmaz əmlakı strategiyaya və Fondun bütün tələblərinə cavab verirsə, ARDNF onun əldə edilməsinə hazırdır" , - Fonddan qeyd ediblər.
Avropada, xüsusilə Avstriyada daşınmaz əmlakın əldə edilməsi məsələsinə gəlincə, ARDNF-dən qeyd ediblər ki, hazırda bu ölkədə daşınmaz əmlakın əldə edilməsinə dair konkret planlar yoxdur. Variantlar yaranacağı halda, ARDNF-nin müvafiq strategiyasına əsasən, onlar nəzərdən keçiriləcək.