Bakı. Trend:
Masazırda “Bank Respublika Arena”da UEFA Çempionlar Liqasının 1-ci təsnifat mərhələsinin ilk oyunu keçirilib.
Azərbaycan çempionu “Sabah” Uels çempionu “TNS”i qonaq edib. Qarşılaşmada təmsilçimiz 2:0 hesabı ilə qalib gəlib. İlk qola 66-cı dəqiqədə Timoteuş Puxaçın ötürməsindən sonra Velko Simiç imza atıb. Görüşün 84-cü dəqiqəsində “Sabah”ın yamaykalı legioneri Kahim Parris yekun hesabı müəyyənləşdirib.
Komandalar arasındakı cavab qarşılaşması iyulun 14-də Bakı vaxtı ilə saat 21:30-da start götürəcək.
Xatırladaq ki, litvalı baş məşqçi Valdas Dambrauskasın çalışdırdığı kollektiv ötən mövsüm tarixində ilk dəfə Azərbaycan Premyer Liqasının qalibi olub.
