Azərbaycan, Bakı, 19 avqust /Trend, müxbir E.Əliyev/
2013-ci ilin yanvar-iyul aylarında Azərbaycan ərazisindən nəqliyyat vasitələri ilə 23,33 milyon ton yük daşınıb ki, bu da ötən ilin müvafiq dövrünün göstəricisindən 2,37 faiz aşağıdır. Trend-in məlumatına görə, bu barədə bazar ertəsi Azərbaycan Dövlət Gömrük Komitəsinin (DGK) hesabatında deyilir.
Bu dövr ərzində yük ixracı 17,9 milyon ton, idxalı isə 5,43 milyon ton təşkil edib.
İlin ilk 7 ayı ərzində dəniz nəqliyyatı ilə 144,34 min ton, dəmiryolla 1,54 milyon ton, avtomobil nəqliyyatı ilə 341,6 min ton, hava yolu ilə 52,9 min ton yük ixrac edilib, stasionar nəqliyyat vasitələri ilə daşımalar isə 15,82 milyon ton olub.
Dəniz nəqliyyatı ilə 1,1 milyon ton, dəmiryolla 3,22 milyon ton, avtomobil nəqliyyatı ilə 1,04 milyon ton, hava nəqliyyatı ilə 11,7 min ton yük idxal edilib.