...

Azərbaycan məhsullarının Avropa bazarına ixracı sadələşdiriləcək

Biznes və iqtisadiyyat xəbərləri Materials 6 Sentyabr 2013 13:44 (UTC +04:00)

Azərbaycan, Bakı, 6 sentyabr /Trend, müxbir H.Vəliyev/

Standartlaşdırma, Metrologiya və Patent üzrə Dövlət Komitəsi yanında Dövlət Akkreditasiya Xidməti (DAX) Avropa Akkreditasiya Təşkilatına üzv olmaq üçün sənədləri bu adıçəkilən quruma təqdim edib. Trend-in məlumatına görə, bu barədə cümə günü jurnalistlərə DAX-ın baş məsləhətçisi Cavanşir Hüseynov deyib.

Onun sözlərinə görə, bu, Azərbaycan məhsullarının Avropa bazarlarına ixracını sadələşdirəcək. DAX-ın ilin sonunadək bu təşkilata üzv olması gözlənilir.

Hüseynov qeyd edib ki, qida məhsulları istehsalçıları Azərbaycanda testlər keçirə, aparılmış yoxlamalar barəsində protokol təqdim edə biləcəklər: "Bu protokol əsasında sertifikat almaq mümkün olacaq. İstehsalçı bu sertifikatla öz məhsulunu Avropanın istənilən ölkəsində maneəsiz ixrac etmək imkanı əldə edəcək".

Onun sözlərinə görə, ötən ilin noyabrında DAX müşahidəçi qismində Beynəlxalq Laboratoriya Akkreditasiyasına (International Laboratory Accreditation Cooperation) üzv qəbul edilib.

Hazırda Azərbaycanda təqribən 300 laboratoriya akkreditasiyadan keçib.

Məqalədə:
Xəbər lenti

Xəbər lenti