Azərbaycan, Bakı, 29 aprel /Trend, müxbir E.Əliyev/
Azərbaycan Maliyyə Nazirliyi sığorta brokerlərinin peşə məsuliyyətinin sığortası üzrə məbləği müəyyən edib. Trend-in məlumatına görə, nazirliyin müvafiq qərarı Azərbaycan Respublikasının Hüquqi Aktların Dövlət Reyestrində dərc edilib.
Qərara əsasən, sığorta brokerinin peşə məsuliyyətinin sığortası üzrə sığorta məbləği aşağıdakı kimi müəyyən edilir:
- fiziki şəxs olan sığorta brokerlərinin peşə məsuliyyətinin sığortası üzrə - 200 yüz min manat;
- hüquqi şəxs olan sığorta brokerlərinin peşə məsuliyyətinin sığortası üzrə - 1 milyon manat.
Qeyd edək ki, Azərbaycanda fəaliyyət göstərən 17 sığorta brokerindən 10-u fiziki şəxsdir.
