...

Azərbaycanda kredit reyestrinə müraciətlərin sayı təxminən 47 faiz artıb

Biznes və iqtisadiyyat xəbərləri Materials 8 Avqust 2014 15:33

Trend-i buradan izləyin

Azərbaycan, Bakı, 8 avqust /Trend /

2014-cü ilin iyun ayında Azərbaycan Mərkəzi Bankı (AMB) yanında Mərkəzləşdirilmiş Kredit Reyestri Xidmətinə 248 428 müraciət daxil olub. Trend-in məlumatına görə, bu barədə Mərkəzi Bankın statistik hesabatında deyilir.

2013-cü ilin müvafiq dövr göstəricisi (169 120) ilə müqayisədə Xidmətə müraciətlər 46,9 faiz artıb.

İyunda banklardan kredit reyestrinə 244 342 sorğu (il ərzində artım 44,8 faiz) daxil olub, 4086 nəfər öz kredit tarixçəsi barədə məlumat almaq məqsədilə müraciət edib.

İyun ayının sonuna olan məlumata görə, kredit reyestrində haqqında məlumat olan borcalanların sayı 2 138 886, kredit məlumatlarının ümumi sayı isə 7 738 882 təşkil edir.

Borc götürənlərin ümumi sayından 10 462-si hüquqi şəxs, 2 110 400-ü fiziki şəxs, 18 024-ü isə sahibkarlıq subyektidir. Borc götürənlər arasında nisbətən daha çox - 22,9 faiz fiziki şəxslər arasında müşahidə olunur. Kredit reyestrində hüquqi şəxslər haqqında məlumatlar 10,2 faiz, sahibkarlar üzrə isə 15,3 faiz təşkil edir.

Reyestrdə olan zaminlər haqqında məlumatların sayı 989 278-dir.

Qeyd edək ki, Mərkəzləşdirilmiş Kredit Reyestri Xidməti 2005-ci ilin mart ayından fəaliyyət göstərir.

Məqalədə:
Xəbər lenti

Xəbər lenti