Bu gün Azərbaycanın Maliyyə Nazirliyində martın 2-də Azərbaycanda istehsal olunan və bu ölkənin ərazisindən idxal olunan alkoqol və tütün məhsulları üçəün aksiz markalarının hazırlanması üzrə keçirilən tenderin qalibini elan edib.
Trend in verdiyi məlumata görə, tenderin qalibi 2000-ci ildən Azərbaycan üçün aksiz markaları çap edən Ukraynanın Poliqrafiya kombinatıdır. Tenderdə iştirak üçün ərizələr cəmi 4 şirkət tərəfindən təqdim olunmuşdu. Ukrayna şirkəti ilə yanaşı, Britaniyanın Optaglio, Almaniyanın Giesecke & Devrient, Litvanın Garsu Pasaulis şirkətləri də tenderdə iştirak edib. Üstünlük sifarişin qiymətinin aşağı olmasına, eləcə də markaların texniki parametrləri iilə bağlı Poliqrafiya kombinatına verilib. İkinci yeri Garsu Pasaulis şirkəti tutub.
Ukrayna şirkəti işi tədarük müddəti 8-dən 12 həftəyədək olan müddətdə $1617000, Optaglio tədarük müddəti 8-dən 12 həftəyədək olan müddətdə işi 1368500 avro, Giesecke and Devrient 2-dən 12 həftəyədək olan müddətdə 1995900 avro, Garsu Pasaulis isə 30 gün ərzində 1620000 avroya tədarükə başlamağı təklif edib.
Kombinata respublikada istehsal olunan 50 mln. ədəd pivəyə, alkoqollu içkiyə görə 20 mln ədəd, tütün məmulatına görə 200 mln. ədəd və idxal olunan pivəyə görə 10 mln. ədəd, alkoqollu içkilərə görə 10 mln. ədəd və tütün məmulatına görə 250 mln. ədəd aksiz markası hazırlamaq tapşırılıb.
