...

DB-nin Azərbaycandakı yeni nümayəndəsi öhdəliklərinin icrasına iyulda başlayacaq

Biznes və iqtisadiyyat xəbərləri Materials 15 May 2006 13:56 (UTC +04:00)

Dünya bankı Qreqori Yedjeyçakın ölkə üzrə menecer seçilməsi ilə bağlı Azərbaycana yazılı xəbər göndərib. Bu barədə Trend ə bankın Bakı ofisindən məlumat verilib. O, Azərbaycan Respublikası hökumətinə rəsmən nümayəndə səlahiyyətlərinin icrasına bir qədər qalmış təqdim olunacaq. Onun səlahiyyət müddəti 3 il üçün nəzərdə tutulub.

Nümayəndəlikdən bildirilib ki, Qreqori Yedjeyçakın ölkə üzrə menecer kimi iş təcrübəsi var. 1998-ci ildən 2003-cü ilədək o, bankın Ukraynadakı nümayəndəliyinin rəhbəri olub. 2003-cü ildən və Azərbaycana nümayəndə təyin olunanadək DB-nin Avropa və Mərkəzi Asiya regionunda aparıcı iqtisadçısı vəzifəsində çalışıb. Qreqori Yedjeyçakun 55 yaşı var. Evlidir.

Ötən ilin iyulundan bankın Bakı ofisinin rəhbəri vəzifəsini heç kim icra etməyib. Həmin ay əvvəlki menecer Əhməd Cahaninin 4 illik səlahiyyət müddəti başa çatıb.

Xəbər lenti

Xəbər lenti