Azərbaycanın İxracat və İnvestisiyaların Təşfiqi Fondu (İİTF) Rusiya şərab bazarının monitorinqı nəticəsində hökumətə təqdim olunacaq analitik sənədlər hazırlayır. Bu barədə Trend ə AATF-dan məlumat verilib. Fondun ekspertləri problemin həlli yollarını göstərmək niyyətindədir.
Monitorinq zamanı şərabların topdan satışı ilə məşğul olan Rusiyanın aparıcı şirkətləri ilə görüşlər keçirilib. Araşdırmalar iki əsas problem aşkar edib. Azərbaycan məhsullarının bahalı olması və saxta spirtli içkilərin satışıdır ki, bu da Azərbaycanın nüfuzunu korlayır.
İİTF qiymət siyasəti üzrə təkliflər irəli sürməyi planlaşdırır. Belə ki, hazırda Azərbaycan şərabları İtaliya şərabları ilə eyni qiymətə satılır. Ona görə qiymətlərin təkrar müzakirəsinə ehtiyac var.
"Biz hesab edirik ki, yerli spirtli içkilər istehsalçılarına hökumət səviyyəsində dəstək lazımdır. Bu, sərgi, təqdimat mərasimləri və marketinq kampaniyalarının təşkili ilə həyata keçirilə bilər. Biz hesab edirik ki, artıq indidən tədbir görmək lazımdır, çünki Risiyanın şərab bazarında güclü rəqabət var" - deyə fonddan bildiriblər.
Belə vəziyyət Rusiyada Moldova və Gürcüstan şərablarının idxalına qoyulan qadağa ilə əlaqədar bazardakı yerlərin boşalması nəticəsində yaranıb.
