2006-cı ilin birinci yarımilində Naxçıvan MR-da mal dövriyyəsinin həcmi $18494,3 min təşkil edib. Bu barədə Trend ə Naxçıvan MR-nın Bakıdakı daimi nümayəndəliyindən xəbər veriblər. 7,3% və ya $1343,1 min ixracatın, $17151,2 min və ya 92,7% idxalatın payına düşüb. Bu müddət ərzində müəssisə və təşkilatlar tərəfindən 20-dən çox ölkə ilə ticarət əməliyyatı həyata keçirilib.
Bü müddətdə əhalinin gəlirləri ötən ilin müvafiq dövrinə nisbətən 20,3% artaraq 151944,4 min manat təşkil edib. Adambaşına düşən gəlir artımı 19%-i keçərək 402,9 manata çatıb.
İqtisadiyyat sahəsində işləyənlərin orta aylıq əmək haqqısı 24,8% artaraq 103,1 manat təşkil edib. Naxçıvan MR-nın büdcəsinə daxilolmalar 9933,9 min manata çatıb ki, bu da ötən ilki göstəricidən 8,4% çoxdur.