Avropa Komissiyası Azərbaycanda regional inkişafın dəstəklənməsi layihəsi üzrə podratçı - İrlandiyanın GDSI şirkəti ilə müqavilə bağlayıb. Avropa Birliyinin Azərbaycana texniki yardım proqramları (Tacis) Bürosunun icraçı direktoru Əsgər Ələkbərovun Trend ə verdiyi məlumata görə, layihənin gerçəkləşdirilməsinə noyabrın ortalarında və ya sonunda başlanacaq.
Tender iştirakçılarının qısa siyahısına 7 podratçı daxil olub: International Development Ireland Ltd/Emerging Markets Group Ltd, GFA Consulting Group GmbH Enterprise PLC/Corporate Solutions, BCEOM/BDPA/Deutsche Management Akademie Niedersachsen GmbH /AICSI, Eurecna Spa - CAN Ieneto International Services/AFC Consultants International GmbH/Crescendo (Britaniya), GDSI Ltd/Ecorys Nederland B.I./S.I.C.I. Dominus (İspaniya), GOPA Consultants mbH/WYG International Limited/Euroconsultants S.A., Inno AG/Sofreco/DIACT (Fransa).
3,5 mln avro dəyərində olan layihənin 30 ay ərzində gerçəkləşdirilməsi nəzərdə tutulub. Layihəyə 3 pilot rayon - Şəki, Zaqatala və Aran zonaları daxil edilib. AB-nin Azərbaycana texniki yardım proqramı çərçivəsində İqtisadi İnkişaf Nazirliyinin regional departamentlərinin gücləndirilməsi, treninqlərin keçirilməsi, gələcəkdə genişləndirilməsi və inkişaf etdirilməsi məqsədilə daha qabaqcıl kənd təsərrüfatı və qeyri-kənd təsərrüfatı müəssisələrinin seçilməsi nəzərdə tutulur.
